無論幾唔合理都好
公司要求各位係工作時間遵守員工守則
FINE. Your house, your rules.
但係留意返
雖則大家成日畀人當丫鬟家丁咁洗
我地冇賣身畀公司架
換言之我地係私人時間
冇著住公司制服
不論任何場合 任何平台 發表任何意見
都只係代表個人言論
如果咁樣都可以以損害公司形象
影響航空安全作為打壓理由
咁大家每次係屋企打飛機係咪都代表緊公司?
駛唔駛log返低? 阿姐有冇得畀分?
之前就話公司被逼跪低
點知新方丈見橫掂跪開 索性奶埋袋底
冇邏輯 冇思考 冇立場
冇底線 冇下限 冇廉恥
一間歷史悠久嘅國際航空公司
理應視野廣闊遼遠
能夠明白言論自由嘅重要性
有容納不同聲音嘅胸襟
今日淪落到做朝廷鷹犬
大興文字獄
以言入罪 為虎作倀
力奇係門口都畀你激到屍變
我正式宣布: 與方丈戰線重開
各位同事要記住
讓我地飛躍翱翔嘅唔係呢份職業
而係一顆追求自由嘅心
如果親手將呢雙翅膀折斷
世界再大亦只不過係一個牢籠
Search